“Geely Auto Uzbekistan” kirib kelayotgan Qurbon Hayit bayrami munosabati bilan maxsus sovg‘alar aksiyasini e’lon qiladi
Yaqinlashib kelayotgan Qurbon Hayiti munosabati bilan “Geely Auto Uzbekistan” xaridorlar va test-drayv ishtirokchilari uchun maxsus sovg’alar aksiyasini boshlaydi. Ushbu aksiya doirasida mijozlar cheklangan miqdordagi maxsus sovg‘alar va qo‘shimcha imtiyozlarga ega bo‘lishlari mumkin.
2026-yil 27-maydan 30-iyungacha davom etuvchi aksiya O‘zbekiston bo‘ylab Geely’ning rasmiy avtosalonlarida bo’lib o’tadi. Ushbu muddatda Geely avtomobilini xarid qilgan mijozlar, shuningdek, test-drayvda ishtirok etgan tashrif buyuruvchilar maxsus sovg‘alarini qo’lga kiritish imkoniyatiga ega bo‘ladilar.
Aksiya doirasida mijozlar quyidagi sovg’alarga ega bo’lishlari mumkin:
· 3 martalik bepul texnik xizmat ko‘rsatish;
· Geely avtomobillari uchun bepul poliklar;
shuningdek, test-drayvda qatnashgan tashrif buyuruvchilar uchun qo‘shimcha sovg‘alar.
Sovg‘alar soni cheklangan bo‘lib, ular “birinchi kelgan, birinchi oladi” tamoyili asosida taqdim etiladi. Mijozlar aksiya davomida Geely avtosalonlariga tashrif buyurib mavjud takliflar haqida batafsil ma’lumot olishlari va Geely avtomobillarini test-drayvdan o‘tkazishlari mumkin.
Geely O‘zbekistonda rasmiy avtosalonlari, mijozlarga xizmat ko‘rsatish va sotuvdan keyingi qo‘llab-quvvatlash tizimi orqali o‘z faoliyatini izchil kengaytirib bormoqda. Bugungi kunda Geely avtomobillariga qiziqish ortib, tobora ko‘proq mijozlar ushbu brendni tanlamoqda. Aynqisa, Monjaro, EX5 (elektromobil), EX5 EM-i (gibrid) modellari o’zining zamonaviy dizayni, aqlli texnologiyalari, yuqori sifatli muhandislik va ilg’or xavfsizlik xususiyatlarini o‘zida mujassam etib, oilaviy foydalanish, kundalik shahar harakati va uzoq masofali safarlar uchun munosib tanlov hisoblanadi.
“Geely Auto Uzbekistan” sotuvdan keyingi xizmatni ham mijozlar uchun muhim yo‘nalishlardan biri sifatida rivojlantirmoqda. Geely egalari rasmiy servis markazlari xizmatidan foydalanishlari, malakali mutaxassislardan yordam olishlari va Geely modellari uchun mo‘ljallangan original ehtiyot qismlarga ega bo‘lishlari mumkin. Bu esa avtomobillarga butun foydalanish davri davomida rasmiy standartlar asosida xizmat ko‘rsatilishiga yanada ko’proq ishonch beradi.
“Geely Auto Uzbekistan” jamoasi barcha yurtdoshlarimizni yaqinlashib kelayotgan Qurbon hayiti bilan tabriklaydi hamda barcha xonadonlarga tinchlik, farovonlik va fayz-u baraka tilaydi.
Geely’ning O’zbekistondagi rasmiy ofisi va sotuvdagi modellari haqida batafsil ma’lumotlarni uchbu manbalardan olishingiz mumkin.
